![](https://www.ntacalabria.it/wp-content/uploads/2023/03/333484673_765482128272854_238362244055695288_n.jpg)
Questo post é stato letto 5570 volte!
Vorria mi sugnu mastru custureri
e ‘i cusu cu ‘na gugghja chist’amuri,
non sulu li bellizzi e li penzeri,
ma puru li cchjù tenneri culuri.
Vorria mi sugnu mastru muraturi,
e cu cimentu ‘i frabbicu stu cori,
pammi risisti a tutti li sbenturi
e ‘i batti puru quand’’a carni mori.
Vorria mi sugnu mastru musicanti
e all’arba mi ti sonu ‘u matutinu,
pammi vegni vestutu di giacghanti
sonandu, amuru meu, cu ‘nu violinu.
Ma vorria ‘i sugnu già l’amuri toi
e ‘na casa ‘i ti fazzu di rigina,
pammi ti chjantu l’arburi chi vvoi
e ‘arcegli ‘i ti risbigghjanu ‘a matina.
Vorria mi ndaju l’ali di lu ventu,
e ‘i vegnu gliocattia quandu mi pari,
pammi ti rrobbu a ttia nu giuramentu
Domani i ‘ndi potimu maritari.
Tratto dall’antologia “Vuci Senza Tempu”,
Unione Poeti Dialettali Calabresi
Questo post é stato letto 5570 volte!