Questo post é stato letto 17180 volte!
Non vulimu propriu capisciri. ‘Nta sta città aundi si balla, si passia, si riscurri ra reggina, “aundi i fissa sunni megghiu i tia, u paisi i m’incrisciu e mi ‘ndi futtu e ogni cosa esti fissaria”, non vulimi propriu capiscìri chi non si ponnu fari i cosi normali, non si poti lavurari senza mi sconzi o cumpari, non si poti parrari o pinsari a cosi diversi ri sfilati.
Guai a cu pensa chi a Riggiu si poti aviri nu futuru fora ri balletti e ri baccalarati a piazza italia. Chi poti aviri cristiani capaci mi rraggiuninu ca so testa. No, non si poti. Avimu a jessiri tutti ‘llineati, comu tanti pecuruni. Pupi i na tragedia chi caccarunu scriviu pi tutti. Pirchì ‘ndi piaci mi stamu tranquilli, zitti e muti, mi facimu i scecchi ‘nto linzolu. Simu sulu bboni mi facimu i bbravi: organizzamu passiati supra o corsu, trasmissioni, convegni aundi non si parra i nenti, sulu mi cumparuni i cumpari. E poi ‘ndi cuntamu ogni jornu a barzelletta chi “nui simu i ‘bboni e iddhi sunnu i mali!”. Ma a virità e chi ‘ndi piaci mi stamu cusì, pirchì ogni tantu, a mmucciuni, tutti iamu e bussamu.
Ma a stu giru, u problema, è chi tuccastuvu a Mimmu e a tutti ddi figghioli chi “sbagghiuni” a pinsari chi a storia i sta città poti essiri natra. E forsi mancu pi iddi, ma pi so figghi. A tutti ddi cristiani chi vonnu pruari mi chiantunu ‘n’arburu e chi non si ccuntentnu ri tarantelli e ddu paninu cu satizzu a festa i Maronna. A Mimmu e a tutti chiddi chi non si rassegninu, l’unica cosa chi ‘nci putimu riri è chi si iddi chiantnu l’arbiri nui na vinedda r’acqua putimu pruvari ma purtamu.
Questo post é stato letto 17180 volte!
