Questo post é stato letto 36310 volte!
di Bruno Salvatore Luciasano
Passunu i jorna jianu, a unu a unu,
Comu coccia i rosariu nta nu
pugnu
Mmanca ormai nu pocu i mi bandunu
E nommi sugnu jjù, chijju chi sugnu.
Attri maceri, munzejji i povertà,
Niri disgrazi telecomandati
Vana rricerca di
santa libertà
Sana dignità, jjappata a petrati.
Rroba puru cu non ndavi
bisognu
Rroba u riccu, m’è jjù riccu ancora,
Leju i giornali e quasi mi
virgognu
Domani ncigna n’attra tristi urora.
Nta ssi capannuni sunnu nterrati
Gamb’e brazza d’operai, fatti a cruci,
L’onori i chista terra, l’umiliati,
Chi
nghiuttinu velenu, senza vuci.
E sutta si munzejji, ndavi puru,
Nu previti chi
cerca u Crucifissu,
N’attru poviru, senza cori duru,
N’attra lavagna nira senza
gissu.
Jjà ssutta tutti nui, simu nterrati,
I nostri sogni fatti purverata
Traduti, umiliati, maltrattati,
Di na casta ndegna e, disonorata!
U ddù
giugnu, pò nsemi, festeggiati,
E jiti a pranzu, mangiati e mbiviti,
Di carni e
pisci siti foraggiati,
Mbriachi, faciti finta ca ciangiti.
Questo post é stato letto 36310 volte!
