Questo post é stato letto 36980 volte!
di Bruno Salvatore Lucisano
Si staci jendu l’urtima paranza
I ll’urtima spiaggia da legalità.
Cu cridiva ca leggi è na bilanza
Chi pisa puru, ntrallazzi e farzità?
Giudici, magistrati, chi faciti,
Puru vui ca ndranghita mbrischiati?
Com’è possibili mi vi ffiditi
Pur’a spiranza pammi cancellati?
Puru l’urtima rradici i sta terra
Ddiventau nu pugnu i purverata
A spiranza i vincimu chista guerra
Sa volau, comu vola venticata.
Ora daveru ndi dassastivu suli
Non val’a pena mancu mi scrivimu
Scumpariu pa nui l’urtimu suli
E non di rresta attru mi ciangimu.
Questo post é stato letto 36980 volte!
