Questo post é stato letto 30010 volte!
A cura di Bruno Salvatore Lucisano
Vidimu spissu, a televisioni,
ddhi povari nucenti peddhi e ossa
cù
l’occhi i fora, senza espressioni,
ca fini da spiranza e i pedi a fossa,
mbrazzati e mammiceddhi sventurati,
che stringiunu a ddhu pettu chi ddù mani,
e
pparinu Madonni ddilurati
ca ciangiunu pecchì no nc’esti pani.
E nnùi, chi
ssimu rricchi e puru bboni,
patruni d’u progressu e i cchjù d’a scenza,
cogghjimu ormai migghjar’e milioni,
e pe mi scarricamu sta cuscenza,
mandamu
l’apparecchi chjini i ranu,
i chiddhu ca non fu mai macinatu,
llongando nsomma
puru nui na manu
o terzu mundu povaru e nguajatu.
Ma ogni jjornu è scrittu nte
ggiornali:
“Nto terzu mundu i navi scarricannu,
cu l’atra manu puru l’arsenali
e a fami nda sperdimu dopu n’annu”.
Se ppensu ca stu mundu è menzu pacciu,
sicuru sugnu ca non è mminzogna,
sarà c’a verità tutta n’a sacciu,
ma a fami si
nc’è ancora è na virgogna!
GAETANO A. PREVITERA é nato a Palmi (RC), nel 1941
Da NSITAPAROLI marzo 1997
Questo post é stato letto 30010 volte!
