Questo post é stato letto 69100 volte!
A cura di Bruno Salvatore Lucisano
Quandu nescisti tu, bellizza mia,
l’Angiuli a megghhju
musica sonaru,
Sant’Anna sup’o sinu ti tenia
E li Santi, cantandu, ti
mpasciaru.
A menzanotti u suli risprendia,
i stilli eran’i milli e cchjù
culuri,
l’arburi, i spini, i petri ammenz’a via
eranu chilla notti, rosi e
hjuri.
Fari cchjù bella Diu non ti potia,
l’Angiuli sulamenti t’appattaru;
puru i fati ndavenu gelusia
ma restaru ncantati e ti ndotaru.
Mo chi criscisti
ed eu ti canuscia
non sacciu cchjù dormiri e no mangiari;
mi sazziu, beni meu,
guardandu a tia
e cchjù ti guardu cchjù bella mi pari.
A malalingua
Non c’è
curtellu, forfica, cuzzuri,
non c’è spata tagghjenti, non c’è runca,
non c’è
rasòlu non c’è scannaturi
chi, com’a malalingua, tagghja e strunca.
Non c’è
serpenti o lipara stizzata
chi, com’a dilla ntossica ed ammazza,
non c’è
ganciu, non c’è serra sdentata
chi, com’a malalingua, squarta e strazza.
Lingua di focu simili n’alluma
mancu nto mpernu, Gesummemaria!
Com’a na ruspa
mastica e riguma,
pura cuntra d’i Santi, arrassusia!
I tagghja pari e no ndavi
pietati,
povari e ricchi, parenti e amici,
giuvani e vecchji, schjetti e
maritati:
sulu pe dilla no ndavi chi u dici.
Quandu si cadi mparu mu ndi
ngagghja,
sarria megghjiu nu diavulu u ndi pigghja
o focu comu cira mi ndi
squagghja.
Da malalingua arrassu centu migghja!
Francesco Salvatore Filocamo, è nato a Siderno Superiore il 9 gennaio del 1902 da famiglia contadina, penultimo di sette figli, frequentò solamente le scuole elementari. Famosissimo per le sue farse, è morto a Locri il 22 settembre 1984.
Questo post é stato letto 69100 volte!
