Questo post é stato letto 27160 volte!
A cura di Bruno Salvatore Lucisano
Pàtrima non è cchjù di chistu mundu ,
mò ndavi pocu tempu chi morìu ;
però , si ancora chjama nci rispundu :
chjacchjerijàmu , c”u permessu i Diu .
Quand’era ‘n vita non parramma mai ,
no ndi facìmma ‘nsemi ‘nu discurzu ;
cchjù di ‘na vota mi …strambelenài
c’ appena cuminciava parìa ‘n’urzu .
Mò , ‘mbeci , discutìmu chjanu-chjanu
e scifulànnu belli li palori ;
si càpita ndi damu pur”a manu ,
patri cu figghju ndi scangiam’ ‘u cori .
Cui senti chisti cosi po’ pensari :
ma quali patri chistu pòtt’avìri ?
‘Mbeci su’ ccà , giustu pe’ dimostrari
ca quantu scrivu sentu ‘nu dovìri .
Parru cu pàtrima , comu vi dicìa .
I tanti cosi parru e lu ringraziu ;
già chisti versi , chista poisìa
scrivu pe’ d’illu …e già mi sentu saziu .
Mi dètti ‘docazioni , “nsini-fini”,
e mi ‘nsignau chi esti l’onestà ;
“rispetta – dissi sempi – e vi’ u camini
c”a testa arta e tanta dignità “!
Pe’ chistu fu pe’ mia randi modellu !
P”o diàlugu non heppi mai ‘ccasioni ;
era sempi nervusu e ‘nt”o cchjù bellu
pe’ nenti facìa ‘na rivoluzioni .
Era nervusu , sì , ‘ccussì si dici ;
simpaticu , però , quandu volìa ;
oji chi manca , vi cumpessu , amici :
l’urzu era eu … pecchì n”o capiscìa !
Carlo Ernesto Panetta vive a Locri, dov’è nato il 21/gennaio/1947.
Ancora studente alle Magistrali, si occupa, sul piano artistico, di spettacoli
teatrali, musicali, shows.
Già Direttore dei Programmi della 1^ Radio Libera della Locride “TRL 102”,
fino a tempi recenti si è impegnato come preparatore ed ottimizzatore , dove richiesto, di spettacoli in piazza, in teatro e televisivi, occupandosi anche come presentatore e conduttore.
Pur scrivendo in lingua, preferisce esprimersi nel suo dialetto della Locride ed ha all’attivo una produzione di oltre cinquecento poesie distribuite in dieci raccolte mai anch’esse pubblicate
Ha partecipato a vari concorsi culturali dove ha quasi sempre ottenuto
ottimi risultati.
Ha scritto, pure in vernacolo ed in versi, una commedia in tre atti dal titolo “VOGGHJU U MI MARITU CA SACCIU” e la farsa di carnevale “CICCIU CARNALAVARI, ‘U PILERI I VALLIAMATA”.
Questo post é stato letto 27160 volte!
