Questo post é stato letto 14000 volte!
O castagnara ti truai ggià randi
quandu vinni mi staju vicin’a ttia,
sempre robusta fusti e assai ‘mponenti
ora rrivau ‘u to tempu: stà ssiccandu.
Cent’anni e forsi cchjiù fusti cumpagna
di ghiri, cissi 2, merri e petturrussi,
r’a cirasara3 chi cchiantai ‘i latu,
casa fusti ‘i ceddhuzzi ‘ntà fuleja.
Quantu mangiati ficimu ‘ndà stati
c’a me’ famigghia, figghi e poi niputi
sutt’a to’ umbra tutti ricugghiuti
e tu di discurruti testimoni?
I rrami su’ ggià sicchi, su’ spugghiati1
fogghi no ‘ntì ‘ndì crisciunu mai cchjiù,
‘u ventu passa ‘i latu e tu no frischi
l’adornu no nsì ferma e no ‘nsì ‘ntana2.
O arburu chiantatu ‘i lat’a scala,
tinisti a nfriscu ’u vinu ‘ntà cantina,
randizza tu ‘ncì rasti ‘o mè giardinu
aniti e ddu abbìti ‘i facc’i tia,
si distinatu a essiri ssciuppatu
prontu mi runi l’urtimu rispiru
tagghiat’o focu mi po’ rari fiamma
‘ntò caminettu pi caddhiar‘a casa.
Ciau castagnara si ‘ntè mè pinseri,
ti vosi bbeni e ti curai tant’anni:
‘ncimai5 ‘i rameddhi e i sicchi ti cacciai,
mi si tu pulizzata stati e ‘mbernu.
Quantu rricci cugghia a mmatinata
chin’i castagni ‘nserti6 pì rrustiri?
E quantu fogghi sicchi ‘ntò cortili
rrassava e pulizzava paru paru?
Tant’umbra ‘ncì facist’a machineddha
o castagnara no ‘ntì viu mai cchjiù.
Questo post é stato letto 14000 volte!
