Questo post é stato letto 31680 volte!
A cura di Bruno Salvatore Lucisano
Cu dici ca la ndranghita no nc’esti,
vordiri ca cu iglia esti mbischjatu,
ccatta ‘a Gazzetta quandu nc’ennu arresti,
pammi sapi com’è chi fu arrestatu…
‘A ndranghita in Calabria ci fu sempi,
e fu portata di ‘nu pezzu grossu,
cavaleri spagnolu ch’ ‘i gli tempi
‘u chjamavanu tutti Carcagnossu.
Ndavi d’ ‘u tempu d’ ‘a massoneria,
d’ ‘i Società segreti ‘i ll’Ottucentu,
chi nta Calabria nc’è sta camurrìa,
chi faci leggi puru ‘o Parlamentu.
Non diciti c’ ‘a ndranghita no nc’esti,
si cumandanu sulu i maffiusi
e glià massa i mangiuni sdisonesti,
chi sunuu com’ ‘e pecuri rugnusi..
‘A maffia ‘n’ ‘a viditi? Èsti operusa
aundi nc’ennu appalti autostradali,
sup’ ‘a Salernu-Riggiu, sempi chjusa,
ma sempi chjna ‘i ruspi e motopali.
‘A maffia ‘a viditi nte mercati,
vindunu ‘a frutta quantu vonnu igli,
paganu a se’ centesimi i patati
e sup’ ‘o bancu arrivanu a li stigli.
Però ‘a cchjù brutta maffia è ‘o Parlamentu,
und’ i latri ennu còmmiti in poltrona,
e fannu leggi, sutta giuramentu,
ch’ennu fidili a Cristu e d’a Mammona.
‘I quandu nesci, all’urtima stazioni,
‘a maffia ti la trovi semp’ ‘o cantu;
già d’ ‘u vettiju, e pur’ ’o matrimoni,
fin’ ‘o tambutu pa lu campusantu.
Franco Blefari ha pubblicato cinque raccolte di poesie dialettali: ‘U focularu (1976), Ariaporu ( 1979), ‘U tempu d’i cucuzzegli ( 1989), ‘Nc’era‘na vota (1994) e Profondo Sud ( 2004); Un paese di gesso ( 2008); due farsecarnascialesche: Don Cicciu Carnalavari e ‘A storia ‘i Carnalavari (1996 ) in un unico volume, e un libretto di poesie in lingua ( 2001), Nella tierra del tango, scritto in Argentina. L’autore, che è anche conosciuto come Sergente Garcia, dopo la partecipazione al programma televisivo Affari tuoi, su Raiuno, nel 2004, è nato a Benestare nel 1943, dove, da pensionato, vive e scrive.Conduce su alcune emittenti televisive della Locride programmi sulle tradizioni popolari.
Questo post é stato letto 31680 volte!
