Questo post é stato letto 12960 volte!
Oggi è la FESTA DELLA REPUBBLICA ITALIANA!
Onoriamo questo giorno con il ricordo commosso di quanti sacrificarono la propria vita per consentire a noi di vivere come popolo libero:
U DDUI GIUGNU DU 46
di Rocco Criseo
Dopu vintanni di patimi e stenti,
di lotti fratricidi e sanguinari,
finut’a guerra e li bumbardamenti,
a ggenti, speranzusa, jiu a votari.
U populu italianu fu chiamatu,
mi scegli prest’e bonu la so via,
comu voliva m’esti guvernatu:
Repubblica oppuru Monarchìa!
Voliva ancora a testa curunata,
di li Savoia e li so’ paladini,
o na costituenti nominata,
cu la consulta di li cittadini?
Non fu na scelta fácili a pigghjari,
nto nord u votu fu repubblicanu,
u sud ‘nveci non gradìu cangiari,
i brachi si calau pe lu sovranu.
Ddà genti ssoggettata a li baruni,
non eppi certu libertà di menti,
si fici cumandari di patruni,
fu forti l’intrallazzu di potenti.
Dopu jornati nteri di cunteggiu,
cu scialatin’i ll’una e i ll’atra parti,
si ncuminciava già a pensar’o peggiu,
pariva com’o jocu di tri carti.
Apoi la repubblica vincìu,
votaru pur’i fimmini,cuntenti,
u Re Savoia lestu si ndi jiu,
l’Italia eppi u primu Presidenti.
E vola oji lu triculuri e celi,
pe ddà jornata ormai cusì luntana,
si canta a coru l’innu di Mameli,
ch’è festa da Repubblica Italiana.
Questo post é stato letto 12960 volte!
