Questo post é stato letto 30510 volte!
A cura di Bruno Salvatore Lucisano
Quandu ‘a matina mi arzu d’’u lettu,
doppu ‘na notti di morti ‘pparenti
‘nu signu i cruci mi fazzu ed accettu
chillu chi a mia mi destina ‘u presenti.
Ringraziu a Diu s’ ancora nci sugnu
‘st’atta jornata e , comunqui sia,
mi guardu i d’inta e decoru mi dugnu,
m’affacciu a’ vita …ch’è vera poisìa.
Pensandu a chistu, poi vaju e m’assettu
fora, ‘n giardinu e, guardandu ad orienti,
eu mi domandu s’è veru rispettu
chi nci portamu a ll’Onnipotenti.
Si, propria a Chillu chi tuttu crijau,
Chillu Divinu d’’a Terra e d’’u Mari,
rroba chi ognunu, cu’ pòtti , guastau
pecchì ‘nt’’o mundu non seppi mai stari.
Quandu m’abbasa ‘u suli ‘nt’’a facci
e tantu ‘llùmina i cosi d’’u mundu
vaju c’’a menti a ll’omini … pacci,
chi ‘mbeci u crìsciunu cercanu ‘u fundu.
Omu , chi si’ ‘na pedina di Diu,
non fari finta ca tu non capisci :
quand’esti l’ura, …‘u mumentu i ll’addiu
è troppu tardu m’’u preghi e m’’u ‘llisci.
Onora mò, ‘nt’a ‘sta vita chi ndai
chillu ch’è giustu, secundu natura !
Usandu rispettu p’’o prossimu vai
versu ‘na meta serena e sicura !
Carlo Ernesto Panetta vive a Locri, dov’è nato il 21/gennaio/1947.
Ancora studente alle Magistrali, si occupa, sul piano artistico, di spettacoli
teatrali, musicali, shows.
Già Direttore dei Programmi della 1^ Radio Libera della Locride “TRL 102”,
fino a tempi recenti si è impegnato come preparatore ed ottimizzatore , dove richiesto, di spettacoli in piazza, in teatro e televisivi, occupandosi anche come presentatore e conduttore.
Pur scrivendo in lingua, preferisce esprimersi nel suo dialetto della Locride ed ha all’attivo una produzione di oltre cinquecento poesie distribuite in dieci raccolte mai anch’esse pubblicate
Ha partecipato a vari concorsi culturali dove ha quasi sempre ottenuto
ottimi risultati.
Ha scritto, pure in vernacolo ed in versi, una commedia in tre atti dal titolo “VOGGHJU U MI MARITU CA SACCIU” e la farsa di carnevale “CICCIU CARNALAVARI, ‘U PILERI I VALLIAMATA”.
Questo post é stato letto 30510 volte!
