Questo post é stato letto 22440 volte!
Caminai pè munti assai petrusi
Ammenz’â vecchj e sdurrupati casi,
Sacchetti chjîn’î caramelli spusi
Chi me nonna mi dava trimandu quasi,
Ca li tiniva comu fussi oru
Mmucciati d’intr’â lu so rriggipettu,
E cocciu a cocciu com’â nu tisoru
‘Nci dav’â cu portava chju’ rrispettu,
dintr’â ll’occhj ancora haju prisenti
La gioia d’idda ‘ntà chiddi mumenti !
Diciva : figghju, veni, veni ccani
E tutt’intornu si stav’â vardari
dopu ‘ncuminciava ch’î so’ mani
D’intr’â lu pettu prest’â miscitiari,
Ed eu pensava : ora mi duna lira,
Ca milli liri non eranu pochi
Pè nui chi da matina fin’â sira
Eràm’ô barri cu li video giochi
Ma poi tirava fora assai cuntenta
Ddui caramelli all’ànici e la menta !
Aaa quantu li hjiedia chiddi caramelli,
Chi mi dunava ô postu di li sordi,
Ma ojii a li momenti mei chju’ belli,
Chiddi chi non poi mai mi li scordi,
Trovu a me nonna duci duci
Chi veni vers’î mia a cori apertu
E a mmucciuneddu cu la bassa vuci
Mi dici : mangia figghju, svertu svertu.
E quasi pè maja ‘ntà sta turmenta
Sent’û sapuri d’anici e di menta.
Tratto dall’antologia “Vuci Senza Tempu”,
Unione Poeti Dialettali Calabresi
Questo post é stato letto 22440 volte!
