Questo post é stato letto 35590 volte!
(Ispirato dalla Sacra Bibbia, Salmo 28:7)
A cura di Bruno Salvatore Lucisano
Ti cantu a bucca chjiusa na canzuna
chi sulamenti tu la poi arricchjari,
́ccussì nullu la senti e non s’adduna
quantu stu cori meu ti poti amari.
Quandu parru cu ttia nta la mia menti,
sentu vicina la tua cumpagnìa.
Chillu fazzu o dicu vidi e senti
non nc’ennu ammucciatelli tra mia e ttia.
Éu mi cridìa ca lu pozzu ammucciari
l’amuri randi chi sentu pe ttia,
volìa mu fazzu, ma no’ pozzu fari,
esti assai randi a cuntentizza mia
Ora vaju gridandu e quattru venti
ca stu cori di tia si nnamuràu,
ma l’amici cchjù cari e li parenti
vannu dicendu: “Chissu sbalestràu .”
Mi cundannàru senza u fazzu nenti,
m’alluntanàru comu nu ‘mpestatu
ped illi esti malata la mia menti
sulu pecchì di tia su nnamuratu.
Mi cunorta sapiri ca mi penzi
assai di cchjù di quantu éu penzu a ttia,
quandu ti fazzu li me’ cumpidenzi
tu subitu rispundi: “Già u sapìa.”
Notti non passa chi non beni ‘nzonnu,
ti sentu chi mi teni pe la manu
e fin’a quandu non si faci jornu
supa a na strata i juri caminamu.
E matinati poi dura spartenza,
laprendu l’occhji non ti vijiu cchiù,
sentu forti però la tua prisenza,
ti sentu o jancu meu caru Gesù.
Vincenzo Cordì nasce a Sant’Ilario dello Ionio nel 1951, a soli sei mesi di vita i sui genitori si trasferiscono a Locri ed è in questa cittadina che è cresciuto e vive tutt’oggi.
Scrive in dialetto locrese fin dalla giovane età, da quando si convertì alla fede evangelica, i suoi temi sono stati e sono prettamente biblici. Ha pubblicato il suo primo libro nel 1997 dal titolo Acqua Frisca.
Ha voluto inserire in questa raccolta alcune poesie scritte prima della sua conversione per far conoscere ai suoi lettori la differenza di pensiero e di espressione, prima e dopo la conversione.
Il titolo del suo libro, Acqua Frisca, nasce proprio dalla poesia che apre questa sua raccolta.
Questo post é stato letto 35590 volte!
