Questo post é stato letto 45280 volte!
A cura di Bruno Salvatore Lucisano
Pè strati di sta terra a passiari
Pemmu i bellizzi soi pozzu scriviri,
a tuttu u mundu u nci pozzu cuntari,
sta terra chi mi vantu d’abitari.
Bongiornu e bonasira vi lu dicu,
di nu puntuni vaju a n’atru vicu,
salutu tutti quanti i paisani,
chiji chi su vicini e a ‘mericani.
E penzu puru e lupi e o pecuraru,
e pini di la Sila e u muntanaru,
a crapa aspromuntana e lu craparu,
u mari e l’emigranti chi moriru.
Vaju girandu pe li meghhju strati,
chi i hjuri di hjumara su hjuruti,
e quandu ncuna vota mi cercati,
sapiti a quali strata u mi trovati.
Eni la strata di la terra mia
Di tutti quanti, la chjù bella via
Nc’esti na casa mia fatta di tahju
Chi nenti io nd’avia e nenti nd’haju.
Ma tegnu cuntentezzi nta lu cori
Ca mama vozzi ccà u mi fa nesciri,
E io chi di figghjola a vozzi amari
Nta chista terra aspettu di moriri.
Nasce a Vibo Valentia il 07-09-1978. Vive a Briatico –VV-, con la sua famiglia. Scrive in prosa e poesia, sia in dialetto che in lingua. Ha al suo attivo due pubblicazioni: “La mia terra”, Edizioni Sabinae, anno 2008 e “Pensatori e Poeti”, Leonida Edizioni , anno 2010.
Poetessa dal verso semplice, traduce i sentimenti dell’anima utilizzando l’essenzialità della lingua italiana e il recupero necessario del dialetto riconosciuto come una lingua da recuperare, imparare e conservare.
Questo post é stato letto 45280 volte!
