Questo post é stato letto 3540 volte!
11 SETTEMBRE 2001! Una data che ha cambiato il mondo rendendolo purtroppo peggiore, colpa di una umanità che ha perso i veri valori che identificano l’uomo. Di Rocco Criseo.
PREGHJERA
Chiḍḍ’undici settembri di tantu tempu fa,
cangiau lu mundu ‘nteru, ciangìu l’umanità,
viatu fu palisi chi ll’odiu pe la razza,
faci sciorbari l’omu, chi ccecatu mmazza.
E volu cu la menti, cercu la memoria,
è jornata chista di luttu pe la storia,
chi pena ḍḍi cristiani morti ssutterrati,
lu fumu nte palazzi, ḍḍi grida disperati!
Facimu sempri guerr’e mai nui ndi stancamu,
janchi, niri e russi, poi tutti ḍḍani jamu,
cu si llord’i mani du sangu di nnucenti,
puru chi si rricchisci rimani nu pezzenti.
Nto celu mericanu na bampa di focu!
Cadìu nu palazzu, n’attru catti dopu,
tra chiḍḍi ruvini si cuntanu li morti,
la pietá fu tanta pe chiḍḍa mala sorti.
A nomu di nu Ddiu si scanna sempr’a genti,
su’ janchi, niri, russi, ormai non cunta nenti,
mori la speranza e puru la raggiuni,
l’odiu nta lu mundu lu faci da patruni!
Davanti a chisti morti è forti la cundanna,
lu duluri è vivu, lu cori meu si danna!
Ḍḍu undici settembri di tanti anni fa,
lu celu si scurau, morìu la libertá!
Rocco Criseo
Questo post é stato letto 3540 volte!
