Questo post é stato letto 9900 volte!
O scjiuri chi ‘nnascìst’i latu a shràta
no po’ tu stari ‘certu a ‘mmenz’e rròsi
torna pirciò chjiantatu ‘ntà ‘mpetràta
e penza, ormai schjiumpùtu, e tanti còsi.
Ti trattai com’a perla ‘a cchjiù priziùsa
ti vuliva c’a bbambacia ‘ntà me’ mànu
facisti tantu tempu ‘a smurfiùsa
resta ‘ntè petri statt’i mia luntànu.
Su certu chi carcùnu ti ‘mbicìna
ti cogghji e po’ ti menti ‘ntà cucìna
mi pripari pani caddhu e pastìna.
Sti rrighi jeu scrivia c’u amarizza
pinzava e mi ‘nzunnava ‘na carizza
com’o sceccu tiratu r’a capizza.
Tratto dall’antologia “Vuci Senza Tempu”,
Unione Poeti Dialettali Calabresi
Questo post é stato letto 9900 volte!
