Questo post é stato letto 32830 volte!
di Bruno Salvatore Luciasano
Volja i scrivu i tia, terra llordata,
M’a pinna è sciutta, com’a chista testa,
Pa tò sfurtuna fusti mpaticata
Di genti qualunquista e sdisonesta.
Tu fusti maltrattata i pedi lordi
Mpelliciati nti scarp’i marca bona
Di disonesti, di latruni e ngordi,
Amanti da ricchizza e da poltrona.
Fusti sfruttata comu prostituta
Dinnu ca crisci sulu ndranghitisti
Tu fusti umiliata e po’ vinduta
D’omini, farzi meridionalisti!
Mamma traduta, si disonorata,
Di scannaturi senza macelleria
Staci rrestandu sul’a purverata
Na bella cresia, senza sacristia.
Questo post é stato letto 32830 volte!
