Questo post é stato letto 20720 volte!
Ormai sdurrupati,
li forti armaceri
su sulu cesina,
ppilìju di jeri.
Lu suli buccau
calau la sira
cu nivi e cu trona,
fulijeni nira.
Nu duci surinu
si vota a zargara,
la luna, di fata,
diventa magara.
Chianginu chianu
li nduddhi mpenduti
a li ceramiti
com’anni perduti.
Luntanu n’ahò,
zzurrija lu ventu,
l’addheddha di l’arma
non dassa cchjù abbentu:
E nta la muddhura,
li spaddhi rrunchjati,
erremi jamu
rribbati rribbati.
Tratto dall’antologia “Vuci Senza Tempu”,
Unione Poeti Dialettali Calabresi
Questo post é stato letto 20720 volte!
