Questo post é stato letto 50270 volte!
di Giuseppina Sapone
Affacciati nta ssu barcuni,
pe ttia vogghiu cantari
na sirinata, na duci canzuni,
gioiuzza mia, occhi di mari.
L’amuri, tuttu sparigghia,
quandu non è focu di pagghia,
quandu non è farina di canigghia,
quandu non è cira chi squagghia.
Ed eu non trovu abentu,
notti e jornu, sbantasiandu.
Affacciati puru pe nu mumentu,
pe ttia suspiru e cantu.
Gioiuzza mia ti vogghiu tantu beni!
Stu cori u teni supra a na gradigghia.
Gioiuzza mia de chista vineda
vaju e vegnu a volu di quagghia.
Goiuzza mia volia essiri grasta,
caronpulara di la tò finestra.
Giouzza mia l’amuri esti na goistra,
nu jornu i fera, nu jornu i festa.
Goiuzza mia non sai quantu ti vogghiu,
quantu na spusa disija nu figghiu;
battiu già menzanotti u laroggiu,
cantu ‘nsin’a quandu non ti russigghiu.
L’amuri chi meravigghia!
Cuggi ddù cori senza na gugghia.
Dura na vita, nu battitu i cigghia,
ttacca e sciogghi cu la so tinagghia.
Affacciati, e furtivamenti,
comu fannu tutti l’amanti.
Nta sta strata non c’è un cani, non c’è genti,
sulu eu cantu a ‘nvacanti.
Gioiuzza mia ti vogghiu tantu beni!
Cu ssi trizzi longhi comu catini,
nta na gaggia ncatinatu mi teni,
supr’a nu lettu di rosi e di spini.
Stuta ssù focu, allevia chisti peni,
chistu turmentu chi non havi fini!
Questo post é stato letto 50270 volte!
