Questo post é stato letto 25690 volte!
Poesia di Rosa Balistreri
di Giuseppina Sapone
Accattari mi vurria na virrinedda,
di notti la to porta a spirtusari,
e vidiri gioiuzza mia quantu si bella
quannu ti spogghj prima di curcari;
ma timu ca tu fussi accussì bella
…ca l’occhi nun m’avissiru a ‘nnurbari,
lassa la porta misa spaccatella
ca eu stanotti ti vegnu a truvari.
E na barcuzza banneri banneri
sta Dia d’amuri ni vinni a purtari;
ridianu tutti li celesti sferi
trimavanu li specchi di lu mari.
E binidittu Diu ca tti manteni,
c’accussì bella ti vossi furmari,
spampinanu li hjuri unn’è ca veni,
l’arìa ‘ntribbulata fa’ sirinari.
Avia li trizzi di na Mandalena,
‘ntesta si miritava na curuna;
ni la to casa non ci sta lumeri,
lu lustru lu fai tu stilla Diana.
Catina ca mi teni ‘ncatinatu,
catina ca ‘ncatini l’arma mia,
beni ti vogghiu cchiù di lu me hjatu,
accussì criju ca vo’ bbeni a mmia.
Questo post é stato letto 25690 volte!
